U sfidua nga Ramush Haradinaj, por a do ta mbjellë pemën Albin Kurti

3 muaj më parë

U sfidua nga Ramush Haradinaj, por a do ta mbjellë pemën Albin Kurti

Megjithëse raportet në mes të kryeministrit Ramush Haradinaj e liderit të Vetëvendosjes Albin Kurti, momentalisht nuk qëndrojnë aq mirë, Haradinaj zgjodhi që kundërshtarin e tij politik ta sfidojë pak ditë më parë.

Por, fushata “Mbjellë një pemë”, po shihet nga VV-ja si sfidë fëmijërore, ndërkaq në një përgjigje për Express nga kjo parti kanë bërë të ditur se Kurti nuk do t’i përgjigjet pozitivisht ftesës.

“Ne po presim të bëhet një debat politik mes liderëve, jo këso sfidash fëmijnore”, ka thënë Arlind Manxhuka nga sekretariati për media i VV-së.

Tutje nga partia që udhëheq Albin Kurti po kritikojnë këtë nismë, duke thënë se një gjë e tillë duhet të bëhet nga kryetari i komunës, kryhet nga kryeministri që me ligj do të duhej të ishte duke udhëhequr negociatat Kosovë-Serbi.

“Kryetari i Komunës që duhet të mbjellë pemë ndërkohë kryeministri që me ligj i takojnë negociatat mbjellë pemë. Kjo përfundon në një paradoks ku askush nuk e bënë mirë punën e vet duke u fshehur prapa punës së tjetrit”, thonë nga Lëvizja Vetëvendosje.

Ndërkohë, ditë më parë nga zyra e kryeministrit ka filluar nisma “Mbjellë një pemë”, nga ku janë sfiduar disa nga fytyrat publike për të mbjellur pemë në vende të ndryshme të Kosovës.

Haradinaj për këtë sfidë, pasi u nominua nga ish-presidentja Atifete Jahjaga zgjodhi kopshitin parashkollot Milingonat në Kodrën e Trimave, nga ku shkroi se ka synuar që përmes kësaj të bartë shembullin edhe te fëmijët./Express