Slash kujton momentin kur dëgjoi për herë të parë zërin e Axl Rose

4 muaj më parë

Slash kujton momentin kur dëgjoi për herë të parë zërin e Axl Rose

Kitaristi i bendit, Guns ‘N Roses, Slash, e ka kujtuar herën e parë kur e kishte dëgjuar zërin e Axl Rose me të cilin do të krijonin histori në muzikë vite më pas.

Në një intervistë me Kerrang, ai ka thënë se bashkëthemeluesi i bendit, Izzy Stradlin, ia kishte lëshuar një incizim të Rose-t në një kasetë.

“Hera e parë ka qenë në një kasetë që Izzy e kishte sjellë në shtëpinë time. Kishte shumë zhurmë, dhe pastaj erdhi ky zë vërtet i fortë dhe i lartë mbi të”, ka thënë Slash.

“Përshtypja ime e parë ishte që kishte shumë shpirt. Kishte dicka bluz dhe melodike në të, e që ishte gjë e rrallë për atë lloj zëri.”

“Nuk ju binte shpesh ta dëgjoni dikë që e mban bashkë atë melodi në mënyrë aq të natyrshme”.