Selim Krasniqi i ftuari i radhës i Gjykatës Speciale

2 javë më parë

Selim Krasniqi i ftuari i radhës i Gjykatës Speciale

Ish-pjesëtari i Ushtrisë Çlirimtare të Kosovës dhe Trupave Mbrojtëse të Kosovës, Gjeneral Selim Krasniqi, është i ftuari i radhës nga Gjykata Speciale.

Lajmin e ka konfirmuar vet ai nëpërmjet një shkrimi në llogarinë e tij në Facebook.

Në vijim mund ta lexoni të plotë shkrimin e tij:

“Per hir te transparences dhe duke mos pasur te fshehe asgje, ju informoj qe sapo komunikova me hetues te dhomave te specializuara!! Mu komunikua gojarisht ftesa per ne Hage por une personalisht kerkova qe ç’do veprim te jete zyrtar e ne rruge ligjore!

Lufta e UÇK-ves ishte lufte e drejte dhe Çlirimtare. Jam shume krenar qe isha pjese aktive qe nga fillimi, duke derdhur gjake e djerse e duke mos kursyer as jeten per Lirine dhe dinjitetin e vendit dhe qytetareve tane. Kam qene i denuar 7 vite nga gjykatat e UNMIK-ut dhe EULEX-it dhe kete jo pse paten fakte por vetem se edhe pas lufte veprova e punova drejte dhe ne sherbim te qytetareve tane, duke e ndjekur shembullin e Heronjeve dhe Heroinave tona qe derdhen gjakun per Liri.

Kisha nderin te isha bashkeluftetar i Fehmiut e Xheves, Mujes e Ganiut, ilazit e Abedinit, Tahir Sinanit e Kumanoves, Luanit e Ilirit e shume e shume te reneve per Liri, te cilet ishin shembull i Atdhedashuris e i sakrifices, i idealeve dhe dinjitetit njerezor. Do jem deri ne vdekje luftetar i Kombit tim e ne asnje moment nuk hezitoj qe edhe te sakrifikohem po te jete nevoja, duke mos lejuar me asnje çmim te shkelim gjakun me te paster te derdhur per Liri.

Turpi do bie mbi ata qe formuan kete gjykate te padrejte e kete vetem per denimin e UÇK-ves, duke harruar keshtu qindra e qindra masakra te bera nga falangat serbe, me mijera e mijera te masakruar, pleq e plaka, gra e femije, te rinje e te reja e duke shkaterruar ç’do gje Shqipetare. SK.”