Samsung Galaxy S10 hapet me shenjat e gishtit nga printeri 3D

3 muaj më parë

Samsung Galaxy S10 hapet me shenjat e gishtit nga printeri 3D

Viteve të fundit, prodhuesit e telefonave të mençur kanë zhvilluar operacione dhe veçori të avancuara për sigurimin e këtyre pajisjeve, përfshirë lexuesit e shenjave të gishtit, identifikimin e fytyrës dhe mënyra tjera. Sidoqoftë, duket se ende ka mënyra për t’i tejkaluar këto masa të sigurisë.

Një përdorues i telefonit Samsung Galaxy S10 ka treguar përmes një videoje se sensori i këtij telefoni mund të mashtrohet përmes shenjave të gishtit që janë prodhuar me printer 3D.

Ai i ka fotografuar shenjat e gishtit të vet, e ka përpunuar fotografinë në programin Photoshop dhe më pas e ka ndërtuar një strukturë 3D të vijave të gishtit. Pas 13 minutash të printimit, ai arriti ta hapte telefonin me shenjat e gishtit që i kishte vendosur në një xham të vogël.