Rritje e madhe e çmimit të biletave, mbi 500 € për një drejtim Zvicër – Kosovë

3 javë më parë

Rritje e madhe e çmimit të biletave, mbi 500 € për një drejtim Zvicër – Kosovë

Çmimet e biletave të fluturimeve janë rritur dukshëm pas shtimit të kërkesave nga bashkatdhetarët, pas heqjes së kufizimeve për shkak të Covid-19.

Qytetarët, të cilët ateruan mëngjesin e së enjtes në Aeroportin Ndërkombëtar të Prishtinës, thanë se menjëherë pas lajmërimit nga autoritetet zvicerane, për heqjen e Kosovës nga lista e kuqe, janë përballur me çmime shumë të larta të biletave, raporton KOHA.

Ata thonë se kanë paguar deri në mbi 500 euro për një biletë për të ardhur në Kosovë.

Derisa, për disa të tjerë çmimi nuk kishte rëndësi, pasi që vinin në pushime në Kosovë, pas një kohe të gjatë.

KOHA ka biseduar me disa nga kompanitë e fluturimeve që operojnë linja nga Kosova për në vende të ndryshme të botës, dhe ata prapa kamerës kanë thënë se agjenci të shumta po i rrisin çmimet e biletave dhe jo ata.

Derisa nga Aeroporti kanë thënë se kjo nuk është kompetencë e tyre, por vetëm kanë treguar se që nga 27 shtatori është rritur dukshëm numri i flurimeve nga Zvicra për në Kosovë.