Rreth 5 mijë qytetarë lënë çdo vit shtetësinë e Kosovës

1 muaj më parë

Rreth 5 mijë qytetarë lënë çdo vit shtetësinë e Kosovës

Nga janari e deri në gusht të këtij viti nga shtetësia e Kosovës, sipas Ministrisë së Punëve të Brendshme, janë liruar mbi tre mijë persona.

Avazi i lënies së shtetësisë së Kosovës po vazhdon vit pas viti e duke u bazuar në statistikat e MPB-së, ky numër është duke shënuar rritje, shkruan Zëri.

Ndër shkaqet, të cilat kanë ndikuar në rritjen e këtij numri, sipas njohësve të rrethanave janë: kërkesat recidive të disa shteteve ku punojnë e jetojnë aktualisht kosovarët, rrjedhat politike e politikëbërja në vend, si dhe faktorët ekonomikë e politiko-socialë.

Njëkohësisht ata shtojnë se në rritjen e numrit të personave që i thonë lamtumirë shtetësisë së Kosovës ka ndikuar edhe zvarritja e liberalizimit të vizave për Kosovën.