Plaku i ri

5 muaj më parë

Plaku i ri

Nga Islam Morina

Më shumë dëgjonte se sa fliste
I ndrinte balli e mustaku
I jepte krah mirësisë, të ligën vriste
E kërkonte votra te oxhaku

Me ofshamë mbyste panjerëzinë
Krah i fortë për fukaranë
Syrin pishë për vegjelinë
Jo për zot se kish paranë

I ri kur rrinte me të riun
E plak kur rrinte me plakun
I ashpër helm për dilingjiun
Melhem varre për fukara ziun

Dhe gjakun ia falte
Babai i të vetmit djalë
As gjakëvrari e as gjaksi
S’i kthente dot fjalë

Jetë me nderë e me besë plot
Këshillat e fjalët i rrojnë për mot
Për mikun mjaltë e sofrën plot
Për armikun tytën me barot

Ky pra ishte plaku i ri
Që shumë e donte brezin e ri
Kjo ish e tëra pasuri
Rron ndër breza vepra e tij

(Poezi dedikuar plakut të urtë e pajtimtarit të gjaqeve, Hazir Dakaj/ 20 qershor 2020)