Oda e Afarizmit të Kosovës kërkon masa të rrepta reciprociteti me Maqedoninë

3 javë më parë

Oda e Afarizmit të Kosovës kërkon masa të rrepta reciprociteti me Maqedoninë

Oda e Afarizmit të Kosovës (OAK) është shumë e shqetësuar që prap po pengohet eksporti i rasadit të peshkut me origjinë nga Kosova në Maqedoninë e Veriut dhe kërkon nga Ministri i Tregtisë dhe Industrisë së Kosovës z. Endrit Shala që me urgjencë ta zgjidhë këtë problem, raporton AktivPress.

“Edhe pse vendimi i datës 01.06.2019 me të cilin ndalohet importi i peshkut të gjallë që dedikohet për rritje ose mbushjen e hurdhave me peshq të vegjël me prejardhje nga Kosova, është shfuqizuar gjatë muajit që lam pas, eksporti përpsëri po pengohet”, thuhet në komunikatët e lëshuar nga OAK.

Ndryshimi i ligjit dhe procedurave nga ana e Maqedonisë së Veriut, thuhet se po bëhet një pengesë shumë e madhe jo vetëm për bizneset tona por edhe për bizneset e Maqedonisë të cilat furnizohen nga Kosova.

Në lidhje me këtë OAK thotë se ka kontaktuar me biznesin Trofta dhe me biznesin Fresh Fish nga Gostivari, të cilat ka theksuar që me ndryshimet e fundit që janë bërë bizneset, nuk kanë qenë të informuara paraprakisht duke u krijuar kështu një barrierë shumë e madhe për bashkëpunim.

OAK kërkon nga Ministri Shala që të ndërmarr masa urgjente në recirpocitet deri në zgjidhjen përfundimtare të kësaj çështje

Kujtojmë që bilanci tregtar Kosovë Maqedoni edhe ashtu është ne disbalancë të madhe në dëmë të Kosovës./AktivPress/