Muzeu një vit pa drejtor, Ministrisë i dështon konkursi i brendshëm

3 javë më parë

Muzeu një vit pa drejtor, Ministrisë i dështon konkursi i brendshëm

Prishtinë, 25 qershor – Ministria e Kulturës nuk ia ka dalë që ta bëjë me drejtor Muzeun Kombëtar të Kosovës nëpërmjet një konkursi të brendshëm. Institucioni më i lartë muzeor në vend muajin e ardhshëm mbush një vit pa drejtor.

Mundësia që Muzeu Kombëtar i Kosovës të bëhet me udhëheqës, pa mbushur 12 muaj pa një të tillë, ka dështuar me anulimin e konkursit të brendshëm, që ishte hapur më 27 maj. Muzeu është pa drejtor që nga korriku i vitit të kaluar. Ministria e Kulturës kishte hapur konkursin dhjetë muaj pas largimit nga pozita të drejtorit të atëhershëm Skënder Boshtrakaj.

Këtë pozitë në konkursin që dështoi e kishin synuar katër kandidatë. Mirëpo për shkak të mospërmbushjes së kriterit të aplikantëve, me më së paku tre kandidatë, të cilët plotësojnë kushtet, për zhvillimin e procedurës së rekrutimit për këtë pozitë, konkursi u anulua.