“Luftë speciale” në LDK

5 vite më parë

“Luftë speciale” në LDK

Çështja e ratifikimit të Demarkacionit me Malin e Zi në Kuvendin e Kosovës, pritet që sërish të sjellë tensione, duke ditur qartë qëndrimet e opozitës dhe të disa deputetëve të pozitës.

Disa nga deputetët e LDK-së, të cilët kanë qenë kundërshtarë të kësaj marrëveshje, është raportuar se  kanë ndryshuar bindjet e tyre.

Bëhet fjalë për deputetin Anton Quni dhe Adem Salihaj, ku është raportuar në media se ata tashmë kanë ndarë mendjen për ta miratuar Demarkacionin.

Por një gjë të tillë e ka mohuar deputeti Anton Quni, i cili këtë gjë e ka quajtur si ‘luftë speciale’.

“Pjesë e luftës speciale, asgjë nuk kam ndryshuar në qëndrimet e mia”, ka thënë Quni për Telegrafin.

I pyetur se a do të thotë kjo që  vazhdon të jetë kundër Demarkacionit, Quni tha se këtë do ta bëjë të ditur në seancën e Kuvendit.

“Qëndrimin tim e bëj të ditur në seancë kur kjo çështje të trajtohet”, u shpreh ai.

Edhe deputeti tjetër nga LDK-ja, Adem Salihaj ka mohuar një gjë të tillë.

“Jo nuk është e vërtetë”, ka qenë përgjigja e shkurt e Salihajt. /Telegrafi/