Lufta kundër kanabisit në Shqipëri

3 vite më parë

Lufta kundër kanabisit në Shqipëri

Shqipëria ka kryer një sërë operacionesh të zbatimit të ligjit të cilat çuan në shkatërrimin e kulturave të mëdha të kanabisit.

Kjo theksohet në Raportin Analitik mbi Kultivimin e Kanabisit në Shqipëri, të publikuar sot nga Kryeministri Edi Rama në rrjetin social Facebook.

“Kush sheh me sytë e vet dhe lexon me mendjen e vet, le ta lexojë. Ata që shohin me gojën e kazaneve dhe mendojnë me kokën e politikanëve, e analistëve të kazanëve, mos ta marrin fare mundimin”, shkruan Kryeministri Rama.

Sipas këtij raporti, Policia e Shtetit organizoi dhe finalizoi me sukses operacionet ‘Lazarati’ dhe ‘Dukagjini’, për goditjen e veprimtarisë dhe rrjeteve kriminale të kultivimit të bimëve narkotike.

Miratimi dhe zbatimi i Planit Kombëtar Kundër Kultivimit dhe Trafikimit të Kanabisit, sipas këtij raporti, ka luajtur një rol vendimtar për arritjen e rezultateve të deritanishme dhe ka qenë një nga masat më të rëndësishme me karakter ligjor e institucional.

Në vitin 2017, 23.77 për qind e sipërfaqes territoriale shqiptare ka qenë në objektivin e monitorimit, me një rritje prej 40 për qind më shumë se viti 2016, evidenton raporti.

Përballja e fuqishme me organizatat kriminale përgjatë 4-vjeçarit 2013-2016, sipas këtij raporti, i ka dëmtuar rëndë ato organizata që merren me prodhimin dhe trafikimin e lëndëve narkotike.