Lista Serbe bën thirrje për paqe

4 vite më parë

Lista Serbe bën thirrje për paqe

Lista Serbe ka reaguar pas rrënimit të murit në veriun e Mitrovicës.

Ata me anë të një reagimi kanë kërkuar ruajtjen e paqes dhe uljen e tensioneve, njofton klan kosova.

“Përfaqësuesit e Listës Serbe në ditët që lamë pas kanë qenë te angazhuar në ruajtjen e paqes dhe stabilitetit si dhe uljen e tensioneve të cilat erdhën pasi që niveli qendror pushtetit u përzie në çështje lokale të Komunës së Mitrovicës Veriore”, thuhet në këtë reagim.

“Tërë energjia ynë është përqendruar që të kthehet besimi mes komuniteteve dhe kështu të ju kundërpërgjigjemi përfaqësuesve të sistemit në Kosovë, të cilët janë përgjegjës për ngritjen e tensioneve”.

Lista Serbe gjithashtu i ka bërë thirrje Brukselit që të jetë I paanshëm në dialogun Kosovë-Serbi.