Kamioni pa shofer fillon punën në Suedi

1 muaj më parë

Kamioni pa shofer fillon punën në Suedi

Me pamje si nëpër filmat e “Star Wars”, kamioni elektrik pa shofer ka filluar të bëjë transportimin e mallrave për një kompani në Suedi.

Kamioni pa shofer është përdorur për herë të parë në botë në shtetin skandinav. Kompania Einride synon të lidhë marrëveshje me kompani tjera me qëllim që të zgjerojë aktivitetet e kamionëve pa shofer.

Shefi i kompanisë suedeze, Robert Falck, tha se kanë marrë leje për qarkullim vetëm në një pjesë të Suedisë, por vitin e ardhshëm synon të marrë leje për punën me kamionë më të mëdhenj dhe të shtojë aktivitetet në Shtetet e Bashkuara.

Kamioni T-Pod peshon 26 tonë kur është i ngarkuar plotësisht. Ai nuk ka kabinë që shkurton koston e operimit për 60 për qind, krahasuar me kamionët me naftë e me shofer.

Ambicia e kompanisë suedeze është që deri në fund të vitit 2020 të ketë në punë 200 automjete autonome.

Shefi i kompanisë tha se janë mbledhur 10 milionë dollarë për krijimin e automjeteve autonome që janë duke u shpeshtuar nëpër botë.

Kompania e njohur për prodhimin e veturave Ford ka premtuar investimin e 500 milionë dollarëve në kamionin Rivian që është i pari në Shtetet e Bashkuara.