Ish-deputeti nga LDK-ja thotë se ka hequr dorë nga paga e Kuvendit

2 muaj më parë

Ish-deputeti nga LDK-ja thotë se ka hequr dorë nga paga e Kuvendit

Ish-deputeti i Kuvendit të Kosovës nga LDK-ja, Visar Hoti, thotë se ka hequr dorë nga të gjitha privilegjet që i takojnë dhe nga paga në veçanti.

Këtë njoftim e bëri ai përmes një postimi në rrjetin social “Facebook”, e që erdhi pas një takimi me sekretarin e Kuvendit.

Por në fakt, atij nuk i takon asnjë privilegj tjetër pos pagës për 12 muaj, dhe atë, vetëm nëse nuk ka të hyra të tjera, shkruan AktivPress.

Më poshtë njoftimi i plotë:

Në takim me sekretarin e Kuvendit të Republikës së Kosovës z. Ismet Krasniqi e njoftova që si ish-deputet, heq dorë nga PAGA dhe gjitha privilegjet tjera që më takojn sipas ligjit.

Me këtë rast, shfrytëzova rastin që përmes sekretarit të falenderoj gjithë stafin e Kuvendit për punën dhe sjelljen korrekte.

Ishte eksperiencë e mirë. Tani, une do ti rikthehem angazhimeve të mia. Jeta është shumë e gjatë, ndoshta rrugët tona do të ribashkohen përsëri!

Deri atëherë, FALEMINDERIT DHE MIRUPAFSHIM

I juaji,

Visari