Haradinaj: Martirët e masakrës së Lybeniqit u shndërruan në gurë themeltar të lirisë

1 muaj më parë

Haradinaj: Martirët e masakrës së Lybeniqit u shndërruan në gurë themeltar të lirisë

Kryetari i Aleancës për Ardhmërinë e Kosovës Ramush Haradinaj, ka përkujtuar martirët e Lybeniqit në 22-vjetorin e kësaj masakre.

“Kosova përjetë do t’i kujtojë me përulje martirët e masakrës së Lybeniqit, që u shndërruan në gurë themeltar të lirisë së vendit tonë”.

Haradinaj shtoi se është obligim të mos ndalemi së kërkuari drejtësi derisa urdhërdhënësit dhe ekzekutorët të dënohen për krimet gjenocidale në tërë Kosovën.

“Po sot, kujtojmë me nderim, rënien heroike të Gjeneral Fadil Nimani, ndër luftëtarët e komandantët më të zot në Zonën Operative të Dukagjinit, që nga ditët e para të luftës çlirimtare. Lavdi e përjetshme”.