Haradinaj akuzon Thaçin e Veselin për dobësim të pozicionit të Kosovës karshi Serbisë

4 muaj më parë

Haradinaj akuzon Thaçin e Veselin për dobësim të pozicionit të Kosovës karshi Serbisë

Taksa ndaj produkteve të Serbisë ka përplasur sërish kryeministrin Ramush Haradinaj dhe kryekuvendarin Kadri Veseli.

Veseli, në një intervistë për “Zërin e Amerikës”, ka thënë se Haradinaj është duke përdorur gjuhën e njëjtë, si me Serbinë, ashtu edhe me SHBA-në dhe BE-në, raporton KTV.

Gjuhë kjo e cila, sipas tij, është gabim.

Ndaj kësaj deklarate të kolegut të koalicionit ka reaguar Haradinaj.

Ai ka thënë se cilësimet e kryetarit të PDK-së janë të paqëndrueshme.

Sipas kreut të Qeverisë, Veseli dhe Thaçi e kanë dobësuar Kosovën karshi Serbisë.

Përplasjet e partnerëve të koalicionit janë bërë të dukshme sidomos javët e fundit derisa kryeministri Haradinaj ka thënë se nuk frikësohet nëse ndonjëri nga ta do ta votojë rrëzimin e Qeverisë që ai e udhëheq.