Fenerbahçe interesohet për Hadërgjonajn

1 javë më parë

Fenerbahçe interesohet për Hadërgjonajn

Mbrojtësi i djathtë i Kosovës, Florent Hadërgjonaj mund të mbetet në Turqi, por te një skuadër dukshëm më e madhe.

Hadërgjonaj aktualisht është i huazuar te Kasimpasha nga skuadra angleze Huddersfield Town. Huazimi ishte bërë në janar pasi 25-vjeçari i lindur në Zvicër nuk po gjente hapësirë në klubin anglez. Sipas “takvim.com’, për Hadërgjonajn po interesohet gjiganti turk, Fenerbahçe. Hadërgjonaj ka kontratë me Huddersfieldin deri në vitin 2021.

Fenerbahçe po kërkon mbrojtës të djathtë, pasi kiliani Mauricio Isla pritet të largohet. Te kjo skuadër luan Vedat Muriqi.