Datat e punimeve të Seminarit Ndërkombëtar për Gjuhën, Letërsinë dhe Kulturën Shqiptare

4 vite më parë

Datat e punimeve të Seminarit Ndërkombëtar për Gjuhën, Letërsinë dhe Kulturën Shqiptare

Seminari XXXVI Ndërkombëtar për Gjuhën, Letërsinë dhe Kulturën Shqiptare do t’i zhvillojë punimet nga 14 – 25 gusht 2017, në Prishtinë.

Datat e punimeve dhe programi këtij viti është bërë i ditur nga njoftimi në faqen zyrtare të Seminarit Ndërkombëtar për Gjuhën, Letërsinë dhe Kulturën Shqiptare, transmeton Aktivpress.

Arritja e seminaristëve në Kosovë do të bëhet  më 13 gusht 2017 (e diel), ndërsa hapja solemne e Seminarit do të bëhet më 14 gusht 2017, në orën 11:00.

Njoftimi i plotë:

Programi bazë i Seminarit XXXVI:

  1. Kurse intensive të mësimit të shqipes (tri nivele);
  2. Ligjërata të veçanta të gjuhësisë;
  3. Ligjërata për letërsinë shqiptare;
  4. Ligjërata për kulturën shqiptare;
  5. Referime shkencore;
  6. Ligjërata të përgjithshme;
  7. Tryeza të rrumbullakëta;
  8. Tryeza e doktorantëve:
  9. Program kulturor plotësues për t’i njohur seminaristët me bukuritë natyrore, me veprimtaritë kulturore e të mira të tjera në qendra të Kosovës;

SESIONET SHKENCORE (24 – 25 gusht 2017)

Temat bosht të Seminarit për sesionet shkencore (24 – 25 gusht 2017) janë:

  1. Gjuhësi: Qendrat e zhvillimit të shqipes

(Pikat: qendrat gjeografike të zhvillimit të shqipes; institucionet që kanë ndikuar në zhvillimin e shqipes; pikat referente të zhvillimit të shqipes- sinkroni dhe diakroni; autorët si pika referimi)

  1. Letërsi: Fakti dhe fiksioni në letërsi
  2. Kulturologji: Media dhe identiteti kulturor

Afati për dërgimin e titullit të kumtesës dhe të abstraktit të bashkëngjitur (deri në 300 fjalë) është i hapur deri më 15 maj 2017. Abstrakti është i domosdoshëm!

Adresa e e-mailit: [email protected]

Aplikuesit nga Shqipëria duhet të aplikojnë në bashkëdrejtorinë e Seminarit në Tiranë. ([email protected]; [email protected])/Aktivpress