Chelsea vazhdon mbretërimin në Ligën Premier

4 vite më parë

Chelsea vazhdon mbretërimin në Ligën Premier

Chelsea ka shënuar fitore në udhëtim te West Hami me rezultat 2-1.

Djelmoshat e Antonio Contes kanë vazhduar me fitore në Ligën Premier edhe ndaj West Hamit, duke ngritur epërsinë me ndjekësit në kampionat.

Ishte ylli belg, Eden Hazard, që shfrytëzoi për mrekulli një kundërsulm të skuadrës së tij, duke shënuar në minutën e 25 për 1-0 pas asistimit të Pedro Rodriguez dhe me këtë gol skuadrat shkuan në pushim.

Sulmuesi spanjoll shënoi nga afërsia në minutën e 50 të ndeshjes dhe ngriti epërsinë në 2-0, shkruan Telegrafi.

Deri në fund të takimit, West Hami u hodh në sulm me të gjitha forcat të gjej golin, por golin e gjeti vetëm në minutat shtesë me anë të Manuel Lanzini, i cili shënoi dhe ndryshoi rezultatin, por në fund Chelsea mori një fitore të madhe me rezultat 2-1 duke iu afruar edhe më shumë titullit.

Pas kësaj fitore, Chelsea ka 66 pikë në vendin e parë, ndërsa West Hami renditet në vendin e 11 me 33 pikë.