Shteti merr qindra vetura me qira, paguan miliona euro për to

9 muaj më parë

Shteti merr qindra vetura me qira, paguan miliona euro për to

Plot 358 vetura të reja do të jenë në shfrytëzim të institucioneve të vendit.

Agjencia Qendrore e Prokurimit ka nënshkruar dy kontrata për marrjen e tyre me qira, e për to do të paguhet mbi 7 milionë euro për periudhën prej 5 vjet e 6 muaj, raporton KTV.

Drejtori i autosallonit Mita, Zgjim Mita, thotë se një praktikë e tillë ndiqet nga kompani të mëdha dhe nga shtete të rajonit dhe në çmimin e qirasë mujore përfshihen edhe regjistrimi, sigurimi, mirëmbajtja dhe benefite të tjera.

Për një praktikë të tillë, sipas Ekrem Rexhës, ushtrues i detyrës së drejtorit të Agjencisë Qendrore të Prokurimit, ishin rekomanduar nga konsulentë e auditorë dhe, sipas tij, pritet që në këtë formë të kursehet buxheti.

Numri më i madh i veturave do të shkojnë për Këshillin Gjyqësor, Policinë e Kosovës dhe Administratën Tatimore të Kosovës. Ndërsa nga ministritë, ajo e Infrastrukturës dhe ajo e Drejtësisë.

Ministria e Administratës Publike ka thënë se ka të evidentuara gjithsej 965 vetura në kryeministri, ministri e dogana.