Receta më e thjeshtë për disa turshi të shijshme pa konservues

2 javë më parë

Receta më e thjeshtë për disa turshi të shijshme pa konservues

Nëse doni që vakteve tuaja ti jepni një vlerë të shtuar, nuk ka më mirë sesa turshitë. Shumica mendojnë se janë shumë të vështira për tu përgatitur dhe marrin shumë kohë, por po ti hidhni një sy recetës më poshtë, do ndryshoni mendim.

Përbërësit:
500 ml vaj
10 kilogramë speca të kuq
100 gram majdanoz
1 kilogram karota
3 thelpi hudhra
kripë

Përgatitja

Pasi i kemi pastruar mirë specat, i kriposim nga brenda dhe i vendosim brenda një ene të madhe, e cila nuk duhet mbushur plotësisht. Mbylleni enën dhe lëëni të qendrojë ashtu për rreth 24 orë, shkruan Shije.

Ditën tjetër, i nxirrni specat dhe i kaloni në një enë tjetër. I shtoni në fund vaj të nxehtë të djegur, karotën e prerë, pak majdanoz dhe hudhrat. Mbylleni enën mirë dhe ruajeni në një vend të errët e të ftohtë.